OS DO PATACA E O ENTROIDO

O martes de entroido houbo disfraces.

Uns de monxas (un tanto irreverentes), outras de xitanas rumanas chegadas por internet, piratas con calaveras e mandos militares doutros tempos, alguén se disfrazou de fillo e outro de vello labrego con cara de neno, houbo un "chulito" de mafioso axitanado con gafas de sol para a noite, do norte chegounos unha moza con atuendo de aviadora e das proximidades un exhibicionista que tiña moi pouquiño que ensinar. Todos, eles e elas, percorreron a noite mostrando a arte da performance e outras elaboradas con bosta e palla.

E algún deles segue co disfraz posto, porque se trata dunha intervención permanente.

(Para a próxima vez, teremos que facer unha "quedada" para que os tímidos... se atrevan)