Na memoria de SIMION CRACIUN

O hotel Virxe da Cerca acolle as derradeiras obras de Simion.

Paisaxes suaves nas que a gama de cores se envolve en si mesma.

Paisaxes vistas a través dunha lente que as suaviza, cos ocres enseñoreando o territorio.

Flores, flores, flores... sobre o lenzo.

A delicadeza dos pétalos, a natureza próxima, a sutileza dunha ponla... 

A elegante lentitude e o silencio que envolvían ao artista e agora nos aparecen transmitidos a través das imaxes.    

Soaban os instrumentos mentres caía a chuvia. O silencio falaba por si mesmo. A través dos cristais -como bagoas- caía a auga lavando o mundo, o xardín familiar e, ao lonxe, Belvís coma un soño que non debe tocarse.

Víamos o verde vestindo os intersticios das vellas construcións. Escoitabamos as cordas lamentándose.

Grazas a Adriana e Cristina, ás músicas e aos amigos!

Camilo en Arzúa

O pasado venres, tivo lugar a inauguración da exposición de Camilo Seira na capela da Madanela en Arzúa.

Un lugar especial, unha capela cos seus restos de retablo pétreo, coas pegadas de cor que case se adiviñan sobre a pedra, cos sepulcros de nobres, as pías de auga bendita e as inscripcións...

Unha capela que é arte e destinada á arte. Neste caso, as esculturas de Camilo Seira.

Pedra e madeira policromada, e algo de escultura realizada con bosta (coa cor propia). 

Houbo tertulia en Arzúa e xirou arredor dos materiais fundamentais e os que son accidentais, do lado maternal dun artista e de mil cousas máis. Falouse de arte e ben falado quedou!   

Eu sigo, erre que erre, pensando que o esencial está nas raíces, interpretadas coa man e a experiencia propia, dándolle nova vida pero furgando ata o fondo ata onde se poida chegar, e a través desa interpretación chegarán os tempos e as correntes, a sensibilidade e o estilo. Da aldea ao mundo, sendo quen somos... non hai mellor maneira de chegar (ao meu entender).

exposición de Andreas Ruiz en Ourense.

A bosta de Seira

http://www.lavozdegalicia.es/video/tendencias/2013/04/30/exposicion-excrementos-vaca/00311367307760162315127.htm

A exposición de escultura de bosta de Camilo Seira.

Enrique Tenreiro

día 23 de Abril de 2013

Enrique Tenreiro pintor, escultor, foi o invitado ó faladorio, explicou a súa traxectoria como artista, facendo fincapé nas suas performances.

El molino y la cruz. Lech Majewski

En 2004, Lech Majewski abordó en su filme El jardín de las delicias, el famoso tríptico de Hyeronimus Bosch, el Bosco, perteneciente al Museo del Prado y pintado hacia 1500-1505.
La obsesión de Majewski por la pintura flamenca alcanza un mayor refinamiento en ésta obra fílmica inspirada en el libro homónimo del crítico de arte Michaels Francis Gibson, que analiza la obra Camino del calvario pintada por Peter Bruegel el Viejo en 1564.

VISITA GUIADA á exposición RETRATOS CON ALEGORÍA

O día 18 de abril de 2013, sendo as 7 horas, atoparémonos na entrada de Fonseca, alí onde os camiños se bifurcan cara a unha sala ou outra.

Alí estaremos, porque J. Méndez, o autor da exposición e da iniciativa Retratos con alegoría realizará unha visita guiada, a proposta do Ateneo de Santiago.

De alegorías e de retratos, de ovos e de escultura, de artistas e de pintura... de todo se falará. E se verá!!!  

Exposición en Fonseca. Santiago.

Inauguración de la  exposición  de J.Méndez, que marcará un hito en el mundo del arte. Es la consagración de la primavera. Enhorabuena J.M.

Méndez en Fonseca

Está a chegar o día X.
O próximo xoves, ás 20 horas, será a estrea.
Méndez mostrará as súas ALEGORÍAS e @s visitantes veremos e leremos.
Pegado ao libro e á literatura, tocando no mundo clásico, a exposición ha de dar que falar ¡e moito!
Pinturas de gran formato e ovos, os ovos primixenios, recreados por cada un dos representados que responden así á chamada de J.
Onte trouxéranos o mar a Compostela e mirámonos bañando nas praias de Belvís ou da Rúa Nova, agora verémolos convertid@s en simboloxía pura.
O xoves con Méndez en Fonseca!